बुढ़ौती में बाबा रहैं दूरे दूरे (हास्य व्यंग अवधी और भोज पुरी मिश्रित भाषा)

हास्य व्यंग (अवधी और भोजपुरी मिश्रित)

बुढ़ौती   मा   बाबा   रहै   दूरे   दूरे ।
गदोरी   मा  सुर्ती  मलै   धीरे  धीरे ।।

लइका   से    अपने   मोबाइल    मंगावे ।
औ बूढा   का   फ़ोटू   इस्माइल  दिखावें ।।
ऊ  माडल   के  सबही  स्टाइल  दिखावें ।
विपासा  के  कपड़ा  सियाइल   देखावे ।।
मगन  होइ  के  बाबा  मोबाइल  चलावे ।
जवानी   में  खुद   का   ठगाइल  बतावें।।

लगल उनके चस्का है  डारे ऊ डोरे ।
मोबाइल  पे  चैटिंग  चलै  पूरे  पूरे ।।
बुढ़ौती   माँ   बाबा   रहै   दूरे   दूरे ।
गदोरी  मा  सुर्ती  मलै  धीरे   धीरे ।।

मजा फेसबुक  के जब  पा  गइले  बाबा ।
जवानी  के   फोटो   लगा   गइले   बाबा ।।
करें    रोज   यारी    बनै   रोज   रिस्ता ।
है लौटल जवानी  मा फिर  नवका  पत्ता ।।
खा  पी   के  नेट   मा   समाधी   लगावें ।
नया   वीडियो    ढूंढी  सबका    देखावें ।।

जवानी  के  रंगवा  चढ़ल  पोरे  पोरे ।
करै  करिया  जुल्फी  लगै गोरे  गोरे ।।
बुढ़ौती   मा   बाबा   रहैं    दूरे   दूरे ।
गदोरी   मा   सुर्ती  मलै   धीरे  धीरे ।।

नयी   आई   डी   ऊ    बनावले   फरजी ।
पतोहियन   के  जइसन बनावले भउजी ।।
अब कातिक  मा  फागुन  मनावेले  बाबा ।
अब  बुढ़िया  के  हरदम  भुलावेले बाबा ।।
बुढ़िया    बेचारी    कहे   दइया    दइया ।
भइल  बेकदर  जइसे  धाने  का  पाइया ।।

बाबा   नासाइल   दिखै   थोरे  थोरे ।
दसो  अंगुरी  घिव  मा  रहै बोरे बोरे ।।
बुढ़ौती   मा   बाबा   रहैं    दूरे   दूरे ।
गदोरी   मा   सुर्ती  मलै  धीरे   धीरे ।।

बाबा   के   देखी   के   बूढ़ा    परेशान ।
बुढ़ऊ के लागल  बा  का  कौनो शैतान।।
बुलावे   न   बोले    दिखावे    न   देखें ।
जबै देखो फोनवा मा टिक टिक दबोटें ।।
बुढ़ौती  माँ  इनहू  न  खा  जावें  गच्चा ।
करो कुछ जतन जे से हो जावे अच्छा ।।

चढ़ौली   कराही   नदी  तीरेे   तीरे ।
करै  विनती  बूढा  जपै  हारे  हारे ।।
बुढ़ौती   मा  बाबा   रहैं   दूरे   दूरे ।
गदोरी  मा  सुर्ती   मलै  धीरे  धीरे ।।

इक   दिन  मुकदमा   कै  तारीख  आइल ।
भवानी   कै  किरपा   घरा  मा  दिखाइल ।।
कचहरी  मा   जल्दी  चला  गइले   बाबा ।
बिछौना  मा  फोनवा  भुला  गइले  बाबा ।।
बजल फोन  घण्टी  तौ  बुढ़िया उठौलिस।
हेलो  डार्लिंग कहि  के  कौनो बोलौलिस।।

चकरा  कइके  बूढ़ा  बोलै जोरे  जोरे ।
कवन  नाश पीटी  तू  हौ  कौने ठौरे ।।
बुढ़ौती   मा   बाबा    रहैं    दूरे   दूरे ।
गदोरी   मा   सुर्ती   मलै  धीरे  धीरे ।।

तुरत  बूढा   बड़की   पतोहिया   बोलौली ।
उ  फोनवा   के   सारी   कहानी  सुनौली ।।
करे लागल जब फोन चक छोटका  नाती ।
खुले  लागल  बाबा  कै सब  पोल  पाटी ।।
ऊ बाबा  कै भेजल  लब   लेटर   दिखावै ।
भौजियन  का भेजल  ऊ  मैटर  दिखावे ।।

लगल  आगि मन मा  जरै भोरे  भोरे ।
करेजवा  मा  बतिया लगै  चीरे  चीरे ।
बुढ़ौती   मा   बाबा   रहैं    दूरे   दूरे ।
गदोरी  मा   सुर्ती   मलै  धीरे  धीरे ।।

पतोहिये    बतावे    गजब   भइले   बाबा ।
तो   नाती   कहे   सठिया   गइले   बाबा ।।
औ  घर  मा  बनल  है गरम  ई  के चरचा ।
लगै  जैसे   बूढ़ा  कै  सुलगल   बा  मरचा ।
सुनै  सारी   बतिया   कचा   गइली   बूढा ।
अंगनवा  मा फोनवा पटकि अइली बूढा ।।

ऊ  लोढ़वा  से  फोनवा  कुटै चूरे चूरे ।
गरम भइले  माथा  दिखै  घुइरे  घुइरे ।
बुढ़ौती   मा   बाबा    रहैं    दूरे   दूरे ।
गदोरी  मा   सुर्ती   मलै   धीरे   धीरे ।।

भइल  साँझ  बाबा लौटि  अइले  घर  का ।
न   बोलेली   बूढा   न   बोलेला   लइका ।।
बढ़ा   कोप  बूढा   लगौली   जो  झटका ।
तौ  बाबा  शरम  से  भये  हक्का  बक्का ।।
बड़ा  तू   तू  मै   मै  बड़ा   घम्मी   घम्मा ।
फटल  पूरा  कुरता   कहै   सब  निकम्मा ।।

गवाई  के  इज्जति  लगैं  कोरे  कोरे ।
दिखै बाबा घुटना औ सर फोरे  फोरे ।।
बुढ़ौती   मा   बाबा   रहैं    दूरे   दूरे ।
गदोरी  मा   सुर्ती   मलै   धीरे  धीरे ।।

        -नवीन मणि त्रिपाठी